CAGAYAN DE ORO CITY – Patay ang usa ka motorista human ma-headon collision ang passenger bus sa provincial road Campabia, Brgy San Miguel,Manolo Fortich Bukidnon.
Giila ang biktima nga si Jerome Lumihay, 22-anyos, ulitawo ug molopyo sa Brgy Damilag sa maong lungsod.
Gibutyag ni Police Staff Sgt. Mark Aloisos Benayo Teregoza, traffic investigator sa Manolo Police Station nga pag-abot sa kurabada nga bahin sa maong lugar nakalapas sa lane sa motor ang bus nga gimaneho ni Jerson Ubanan, 26-anyos ug molupyo ra usab sa Damilag rason nga nagka headon collision.
Miingon si Teregoza nga sa kusog sa impak nalabay si Lumihay ug ang iyang motor padulong sa ilalom sa bus diin nagkalayo rason miulbo ang kalayo.
Samtang, wala’y laraw pa nga mopasakag kaso ang pamilya ni Jerome Lumihay sa bus driver nga si Jerson Ubanan human sa disgrasya nga nahitabo sa Provincial road Campabia San Miguel Manolo Fortich Bukidnon.
Gibutyag ni Teregoza nga gusto lamang sa ginikanan ni Lumihay nga tubagon ni Ubanan ang pagpalubong sa biktima ug uban pang mga gastos.
Dugang pa niini nga kon magkasabot na ang pamilyang Lumihay ug si Ubanan hayan nga wala nay kaso nga ipasaka ug ila ng buhian ang bus driver nga kasamtangang nakakustudiya sa ilang buhatan.
