CAGAYAN DE ORO CITY-Patay ang duha ka motorista samtang usa ang samaran sa nahitabong vehicular accident sa Casinglot, Tagoloan Misamis Oriental.
Giila ang mga namatay nga sila si Allan Colanse, taga Zone 2, El Salvador City ug Mindo Baal, taga Balwarte Tagoloan samtang kritikal ang kahimtang ni Rickty Villarosa.
Matud ni P02 Louie Meñano, imbestigador sa Tagoloan MPS nga hubog ang mga sakay sa motorsiklo sa dihang mibangga kini sa likod sa trailer trak.
Nakaangkon og grabeng samad sa kalawasan ang mga biktima hinungdan sa ilang kamatayon.
Kasong reckless imprudence resulting damage to property and multiple homicide with serious physical injury ang atubangon sa drayber sa trak nga si Richard Balaba Galvadores 25-anyos, residente sa Kisolon Sumilao Bukidnon.
