CAGAYAN DE ORO CITY – Nahupay na kabalaka batok sa natala nga unang kaso sa suspected monkey pox o MPOX nga natala sa lungsod sa Malabang,Lanao del Sur.
Kini human nalugwa na sa Research Institute for Tropical Medicine (RITM) ang negatibo nga resulta sa pasulit sa laboratoryo sa maong pasyente nga na admit sa Amai Pakpak Medical Center sa Marawi City.
Miingon ang Intergrated Provincial Health Office nga bisan nga negatibo ang maong sakit sa pasyente apan dili angay magkumpiyansa ang ilang katawhan kay pabiling hot spot pa ang National Capital Region ug CALABARZON.
May mga kaso na sa MPOX ang nasud apan kasagaran niini ang anaa sa kauluhan ug talagsa ra ang gikan sa Mindanao.
Hisayrang ang MPOX makamatay sa tawo kon dili madali’g atiman rason nga angay magbinantayon sa kanunay ang katawhan sa ilang panglawas.
