CAGAYAN DE ORO CITY – Kasamtangang nagrekober ang lalaki nga nagsilbing pasyente sa impeksyon sa Monkey Pox/MPOX sulod sa Mayor Hilarion A. Ramiro Sr Medical Center nga taga-Ozamiz City,Misamis Occidental.
Kini subay sa kompirmasyon sa Regional Epidemiology and Disaster Response Unit sa Department of Health 10.
Subay sa pagpanubay usab ni Ozamiz City Mayor Atty.Indy Oaminal nga kamulo nga gihatagan sa tukmang medikasyon ang biktima nga boluntaryong nagpahiling nunot sa pagduda nga natakbuyan sa MPOX.
Gipalihok na usab niini ang City Health Office sa contact tracing sa mga tawo nga ulahi gikauban sa biktima aron pugngan ang pagkaylap pa sa maong balatian.
Hinoon,namahayag usab ang Research Institute for Tropical Medicine nga nagsilbing ‘milder’ ug ‘self-healing Clade II ang mitakboy sa maong biktima.
Nagpasabot nga dili kini matandi sa Clade lb nga maoy miigo sa daghang mga pasyente sa ubang kanasuran apan wala sukad sa Pilipinas.
Dugtong niini,subli gipasidan-an ang katawhan nga mopatuman sa health protocols nga naglakip sa kanunay paghugas sa mga kamot,likayan una ang pakigduol sa ubang mga tawo ug ang pagsul-ob una sa facemasks.
Hisayrang tipik sa mga sinyales sa MPOX nga nakatakboy na,ang tawo mobati sa painful rash,enlarged lymph nodes,hilanat,labad sa ulo,pagpanakit sa mga braso ug likod ug pagpangluya sa lawas.
