CAGAYAN DE ORO CITY – Gikasubo sa katawhan sa Brgy Lapasan ang kalit nga kamatayon sa ilang kandidato sa Mr. Cagayan de Oro 2023 nga gipusil-patay samtang mibisita sa higala niini diha sa 13th Street,Brgy Nazareth ning syudad gabii.
Mismo si Lapasan Punong Brgy Julito Ogsimer ang miila sa biktima nga si Adrian Rovic,Forrnillos,23 anyos,graduating student sa kursong civil engineering sa Liceo de Cagayan University ug residente sa Lapaz 2 sa maong brgy.
Subay usab ni Lapasan Brgy Administrator Jeff Baconga nga sa inisyal nga pakisusi sa kapolisan,gikan sa gym ang biktima ug samtang padulong kini sa iyang higala sa Brgy Nazareth,kalit nga gipusil sa mga suspek nga sakay sa bau-bao ang ulo sa biktima hinungdan nga kritikal nadala sa Northern Mindanao Medical Center.
Gipaningkamutan nga masalbar sa mga doktor sa Northern Mindanao Medical Center apan nabugtuan gyud kini sa kinabuhi kaganihang kadlawon.
Sa pagkutlo ning balita,gibutyag ni Nazareth Police Station commander Police Maj. Bayron Ranunil nga may lead na sila kon kinsa ang mihimo sa kremin ug kon unsay motibo sa pagpatay sa biktima.
