Hingpit nang gibasura sa mga mahistrado sa Korte Suprema ang motion for reconsideration nga giduso sa House of Representatives nga nagtinguha balihon ang hukom nga ‘unconstitutional’ o kasupakan sa konstitusyon ang articles of impeachment nga napasaka batok kang Vice Pres Sara Duterte ngadto sa senado niadtong Pebrero 5, 2025.
Kini human ilugwa sa korte ang ‘unanimous vote’ aron ipalig-on ang ilang hukom nga nasupak sa mga magbabalaod ang mga kasuguan sa balaod pagduso sa impeachment complaint batok VP Sara ilabina sa one year bar rule.
Namahayag si Supreme Court spokesperson Camille Sue Mae Ting nga tungod niini,pinal na kini ug angayang sundon nga hukom sa mga pundok nga nalambigit sa gi-resolbar nga isyu.
Siya miingon nga dili na usab modawat sa bisan unsa pa nga petisyon ang Korte Suprema nga konektado sa nahisgutang isyu.
Dumduman nga tipik sa gibasehan sa mga magbabalaod nga gusto ipalagpot si VP Sara ang daw paggamit niini sa confidential ug intelligence funds gikan sa Office of the President sulod lang sa onse ka adlaw.
Apan pagklaro usab ni VP Sara sa maong isyu nga nagamit ang pondo sa kamubo nga ihap sa mga adlaw kay Disyembre na nakaabot sa iyang buhatan ug kinahanglan magasto sa gipahinungdan sa katuyuan sa dili pa moabot ang bag-ong tuig.
Hisayrang sa sunod nga tulo ka tuig, unmodified opinion ang gipagawas sa Commission on Audit alang sa buhatan sa ni VP Duterte.
