CAGAYAN DE ORO CITY – Miduso sa motion for reconsideration ang deactivated board of directors MORESCO 2 sa National Electrification Administration o NEA sa kauluhan.
Kini human wad-i’g gahom ni NEA administrator Edgardo Masongsong tungod sa reklamo sa mga anomalosong bank transaction sa kooperatiba sama sa multi-million bank loan nga wala moagi sa aprobal sa kauluhan.
Miingon si MORESCO 2 General Manager Engr Danilo Jamilon nga dakong ilegal ang gihimo ni Masongsong nga wala moagi sa tukmang proseso.
Kini ang hinungdan nga human sila makasilbi sa 90 days preventive suspension,gilayon sila nga nag-election aron hulipan ang kanhi board of directors nga dunay laing mga interes.
Samtang namugos ang kampo ni MORESCO 2 officer-in charge Cynthia Quimno nga wala na’y bili ang board of directors nga gilangkuban sa grupo ni general manager Engr Danilo Jamilon diha sa Medina,Misamis Oriental.
Kini human wala ilha sa kadagkuan sa National Electrification Administration samtang gipaubos sa laing han-ay sa imbestigasyon.
Gibutyag ni Quimno nga gihimo kini sa NEA tungod sa kuwestiyonable nga pag-ubos sa category sa MORESCO 2 gikan sa triple A,nahimo na lamang B.
Una nang gitukod ang usa ka task force aron imbestigaran ang giingong lapad nga anomaliya sa kurapsyon sulod sa kooperatiba.
