CAGAYAN DE ORO CITY-Wala pa gihapon mo-sink-in sa huna-huna sa 21 anyos nga si Katrina Acaylar nga siya ang makakuha sa gi-ilogan nga korona sa 2017 Ms Cagayan de Oro.
Kini bisan nga milabay na ang pipila ka adlaw gikan sa pagkorona kaniya aron ilhon nga bag-ong hara sa kaanyag alayon sa kapistahan ni Sr San Agustin ning syudad.
Gibutyag ni Acaylar kinsa nag-trabaho isip human resources training assistant sa Sanford Marketing Corporation nga pulos naninguha ang 12 ka kandidata nga modaug apan wala niya damha nga mapadulong kaniya ang korona.
Dugtong niini,gihulat na ni Acaylar kinsa gradwado sa Bachelor of Science in Technology Communication Management sa University of Science and Technology of Southern Philippines ang sunod nga plano sa syudad alang sa mahimo niya nga tahas kuyog ang laing upat ka runner ups sa kompetisyon.
Gani,kon mahatagan sa higayon gilaraw usab ni Acaylar kinsa mihangkot sa 16 ka special awards nga mosalmot sa national beauty competition kon mahatagan sa suporta ug higayon.
Kabahin sa mga award nga nakuha ni Acaylar ang Ms Fatrol;Best in Swimwear;Best in Casual Wear; Azpired; Ambassadress; Ms Sanctuary Wellness & Spa;Ms Deo Gold Jewels;Ms Augustus Perfume;Ms Ororama;Ms 2Go Travel;Ms Mags;Ms Gaisano;Ms Marianne Suites;Ms Kotex; Ms Camella Homes; Ms Holcim Philippines ug Ms PAL.
Hisayrang nagtinguha usab si Acaylar nga moapil sa mga national beauty pageant kon mahatagan sa kahigayunan.
