CAGAYAN DE ORO CITY-Gikonsiderar ni Cagayan-anon beauty queen Katrina Zayas Acaylar nga labing makasaysayan sa iyang “journey” human niya madag-an ang Ms Cagayan 2017.
Sa exclusive interview sa Bombo Radyo kang Acaylar,gibutyag niini nga milambigit siya sa nagkadaiyang adbokasiya nga nagtukmod kaniya nga mapaduol ug mapalig-on ang pakig-relasyon niini sa katawhan sa komonidad.
Miingon ang 22 anyos nga si Acaylar nga duha sa iyang gisuportahang adbokasiya ang pagka-HIV ug breast cancer advocate.
Gawas niini, iya usab gibitbit padulong sa iyang pagtampo Ms World Philippines 2018, ang iyang “walay makatupong” nga kasinatian sa pagpreserbar sa Cagayan de Oro River ubos sa kampanyang “Safer River”.
Hisayran nga ning adlawa, ipasa ni Acaylar ang korona sa sunod nga ilhong beauty queen ubos sa Miss Cagayan 2018 pageant night.
Ipahigayon ang prestihiyosong indigay sa Atrium,Limketkai Mall sa Brgy Lapasan ning syudad unyang gabii.
