CAGAYAN DE ORO CITY – Mismo si Ms Cagayan de Oro 2020 Jeza Relevo ang miapelar sa katawhan nga sundon ang gipatumang health protocol sa pakigbatok sa COVID-19.
Gibutyag sa beauty queen nga magpabilin lamang sa balay kon walay importanteng lakwon, magsul-ob sa face mask ug faceshield ingon man batasanon ang paghugas sa kamot isip pangontra sa bayrus.
Si Relevo ang gikoronahan sa talagsaong virtual beauty pageant atol sa kasaulugan sa kapistahan ni Sr San Agustine sa syudad sa miaging semana.
