CAGAYAN DE ORO CITY – Gihagit sa mga kandidata sa Ms Earth 2019 ang katawhan nga ipalig-on ang kampanya sa pagpanalipod sa kinaiyahan.
Gihimo sa 22 anyos nga si Ms Puerto Rico candidate Nellys Pimentel ang komento tungod sa pagkasunog sa kalasangan sa Brazil ug Indonesia sa miaging mga bulan diin nakahatag sa dakong kadaot sa kinaiyahan.
Nakabisita ang mga kandidata tungod sa imbitasyon ni Gov Bambi Emano isip pagpalig-on sa turismo ning lalawigan.
Si Pimentel kuyog ang laing 13 ka kandidata ang mibisita sa Misamis Oriental isip kabahin sa ilang pre-pageant activities diin sila mihimo’g mangrove tree planting sa Laguindingan kaganihang buntag.
Gisuroy usab nila ang seascape ug landscape sa Initaon ning lalawigan pag-abot sa hapon.
