CAGAYAN DE ORO CITY – Alegre ug naghinobra ang kahinam sa 17 ka Ms Earth candidates nga miduyog sa mga aktibidad nga mi-sentro sa kaanyag ug kapuno sa kultura sa Northern Mindanao.
Kini human duawa sa maong mga kandidata nga gidagnayan nga Ms Earth 2024 Air Group dihang una nila gidalikyatan ang lungsod sa Malitbog,Bukidnon alang sa nahisgutang katuyuan.
Sumala sa Ms Earth Organization nga apil sa mga kandidata nga ilang gipadala sa Bukidnon ang gikan sa Australia,Belize,Bolivia,Canada,Dominican Republic, England,Kenya,Myanmar,Nigeria, Norway, Rusya, Serbia,South African,Sri Lanka ug Venezuela.
Gikan sa lungsod sa Malitbog,sunod nga bisitahan sa mga kandidata ang Talakag karong buntag ug pagka-Lunes sa Libona na usab ang dalikyatan nila.
Napasayon ang paghidangat sa mga kandidata sa Bukidnon tungod sa tabang usab sa buhatan ni Bukidnon 1st Disrict Cong. Jose Manuel Alba.
