CAGAYAN DE ORO CITY-Dili kumbinsido ang Ms Earth beauty queens nga dautan ang kahulugan sa kontrobersyal nga pahayag ni Pres Rodrigo Duterte sa mga babayeng miembro sa rebeldeng New People’s Army o NPA.
Kini human unang gibutyag ni Duterte sa mga sundalo nga pusilon sa mga sundalo ang pribadong bahin sa mga babayeng NPA members kon sila magka-engkuwentro.
Miingon si 2017 Ms Earth Karen Ibasco nga angay sabton pa sa publiko ang buot ipasabot ni Duterte sa maong pahayag.
Kini ilabina nga abogado si Duterte ug nagsilbi usab nga public prosecutor diin siya nagbaton sa gitawag nga ‘colorful mouth.’
Si Ibasco kauban ang upat ka Ms Earth beauty queens ang subli mibisita sa Cagayan de Oro City ingon man Misamis Oriental ug Bukidnon aron pagtuman sa ilang mga tahas isip environment protection warriors.
