CAGAYAN DE ORO CITY- Pabor ang milangkob sa 2017 Ms Earth beauties sa padayong gingusgan nga Public Utility Vehicles o PUVs modernization program ni Presidente Rodrigo Duterte.
Kini bisan nga kusganong gisupak ang maong programa sa pipila ka grupo sa transportasyon partikular sa Metro Manila.
Sa paghinabi sa Bombo Radyo,gibutyag ni Ms Earth 2017 Karen Ibasco nga kini ang haom nga panahon aron ablihan ang huna-huan ug dawaton ang paghatag katumanan sa transport modernization.
Gibutyag sa Manila beauty queen nga hinoon angay mahimong balanse ang pagpapalampo sa ekonomiya ug pag-atiman sa kinaiyahan batok sa nagkadaiyang klase sa polusyon.
Si Ibasco kauban ang upat ka Ms Earth beauties ang mibisita sa pipila ka bahin sa Northern Mindanao aron himoon ang ilang mga tahas sugod pa gahapong adlawa.
