CAGAYAN DE ORO CITY – Nahupay ang gibati nga kabalaka sa mga kandidata sa Ms Earth 2019 bahin sa nagkatag nga impormasyon nga dili luwas ang seguridad sa Mindanao.
Kini human nabati sa 14 ka kandidata sa Ms Earth 2019 ang init nga pagdawat kanila sa katawhan dihang nagsilbi sila nga mga bisita sa syudad ug lalawigan.
Giangkon ni Ms Puerto Rico Nellys Pimentel nga nakurat sila kon unsa kaluwas ang syudad ug lalawigan sukwahi sa nanggawas nga report sa international ug social media.
Gihimo ni Pimentel dungan sa ilang aktuwal nga pagbisita sa Tubajon AquaMarine Park sa Tubajon sa Laguindingan ning lalawigan diin sila nagtanom sa mga bakhaw.
Gisuroy usab sa mga kandidata nga sila si Ms Austria Melanie Gassner;Ms Italy Letizia Percoco,Ms Croatia Nera Nikolic,Ms Malta Alexia Tabione;Ms Puerto Rico Nellys Pimentel;Ms Brazil Maria Batistel;Ms Paraguay Jociani DaysI Repossi,Ms Kenya Susan Kirui,Ms Reunion Island Anais Payet;Ms China Hu Wentian,Ms Tonga Titania Tiara Monic Matekuolava;Ms Liberia Georgia Bemah,Ms Vietnam Hoang Thi Hanh,Ms India Dra Tejaswini Manona ug Pimentel.
Samtang sundugon usab ni Manogna pagbalik niya sa ilang nasud ang mangrove planting nga nabuhat nila sa Tubajon AquaMarine Park sa Tubajon ning lalawigan kagahapong adlawa.
Gihingusgan nga adokasiya ni Manogna ang proper disposal sa hospital medical waste sa ilang nasud.
Una nang gipasalig ni Gov Bambi Emano nga luwas ang pagbisita sa mga kandidata ilabina sa Misamis Oriental diin turismo ang prayoridad nga programa niini.
