CAGAYAN DE ORO CITY-Gisuportahan ni Ms Earth 2017 Karen Ibasco ang bahad ni Presidente Rodrigo Duterte nga pasirad-an ang sikat nga beach resort nga Boracay kun ugaling dili masulbad ang environmental issues niini sulod sa unom ka bulan.
Sumala Ibasco nga dako ang nabag-o sa isla itandi sa miaging tuig sa iyang pagbisita tungod kay daghan na siya nakita nga mga basura, plastic sa dagat ug sa palibot niini.
Asoy pa niini nga nagkadugay, nagkahugaw ang Boracay tungod sa gihimong pagpasagad sa mga negosyante ug wala mituman sa rules and regulations.
Gibisita sa lima ka Ms Earth beauties ang tourist spots ng Misamis Oriental karong adlawa nga gilangkuban nila ni Ms Earth Philippines-Fire Neliza Bautista, Ms Earth Philippines-Air Kim de Guzman, Ms Earth Philippines-Water Jessica Marasigan; Ms Earth Philippines-Eco Tourism Vanessa Mae Castillo ug mismo ni Ibasco.
Samtang Suportado usab ni Ibasco ang laraw sa Presidente nga i-ban ang deployment sa overseas Filipino workers sa Kuwait.
Sya miingon nga gilantaw lamang sa presidente sa nasud ang kaluwasan sa mga Pinay domestic helper bisan nga dili tanang OFW’s ang gimaltrato sa ilang mga amo.
Asoy pa niini nga iyang nasabtan ang hukom ni Presidente Duterte ilabina nga kabahin usab siya nga nasakitan sa gidangatan sa usa ka Pinay nga brutal nga gipatay ug gisulod sa freezer didto sa Kuwait.
