CAGAYAN DE ORO CITY- Balik-hometown na si 2019 Ms Earth Philippines Air Ana Monica Tan gikan sa pipila ka adlaw nga paghimo sa tahas niini sa kauluhan.Miingon si Misamis Oriental Provincial Tourism Deparment head Atty Jeffrey Saclot nga motambong una si flag raising si Tan ug gilayong mohimo’g parada palibot sa syudad karong buntag.
Atubangon usab ni Monica ang media paghuman sa iyang parada ayha mohimo’g laing kaakuhan isip pipila ka lungsod sa lalawigan diin siya kanhi usab Ms Kuyamis beauty queen.
Si Tan ang nagsunod kanila ni 2018 Ms Earth Philippines Fire Berjayneth Chee gikan sa Balingasag ug 2018 Ms Millenial Philippines 1st runner up Danna Rose Sacoco nga gikan sa Magsaysay ning lalawigan nga naghatag dungog sa programang turismo ni Gobernador Bambi Emano.
Nasayran nga ubos sa programang turismo ni Emano,kanunay kining maghatag suporta sa bisan kinsa nga moapil sa mga kompetisyon ug indigay ilabina kon magresulta sa dugang pagkaila kon unsa ang anaa sa kalungsuran sa lalawigan.
