CAGAYAN DE ORO CITY – Gipasalig ni 2019 Ms Earth Philippines Air Ana Monica Tan nga bantayan ang kinaiyahan ilabina ang Misamis Oriental diin gipadal-an sa imported waste gikan sa pipila ka kanasuran.
Gihimo sa taekwondo black belter beauty queen ang pahayag tungod sa pagkasapon sa Bureau of Customs sa mga basura gikan sa South Korea,Hongkong ug Australia diha sa Mindanao Container Terminal,Tagoloan ning lalawigan.
Miingon si Tan nga gikalipay na unta niini kay unang gipasalig sa Verde Soko Philippines Incorporated nga e-recycle nila ang dul-ag 7-mil ka tonelada sa basura apan nasuta nga dili diay mao ang katuyuan niini.
Kini ang hinungdan giawhag sa school of medicine student nga si Tan ang katawhan nga dili motugot nga mahimo pang labayanan sa mga basura ang probinsya.
Gihimo ni Tan ang panawagan dungan sa pag-atubang niini sa media gikan sa iyang parada dihang nakauli kini sa syudad kagahapong adlawa.
