CAGAYAN DE ORO CITY – Gihimamat ni Pangulong Rodrigo Dutete ang naglangkob sa 2019 Ms Earth Philippines winners sulod sa Malakanyang.
Kini human ang pipila ka adlaw nga pagdaug nila sa lain-laing korona nga ubos sa maong indigay.
Kabahin nga personal nga nakighimamat kang Duterte si Miss Air Philippines 2019 Ana Monica Tan nga garbo gikan sa lungsod sa Tagoloan,Misamis Oriental.
Kuyog usab ni Tan sila si Miss Earth Philippines 2019 Janelle Lazo Tee sa Pasig City; Miss Water Philippines 2019 Chelsea Lovely Fernandez sa Tacloban City; Miss Fire Philippines 2019 Alexandra Marie Dayrit sa Marikina City ug Miss Eco Tourism Philippines 2019 Karen Nicole Piccio sa Maasin, Iloilo.
Ang adbokasiya sa Ms Earth Philippines ang nakahaom usab sa programa ni Duterte diin paghatag proteksyon sa kinaiyahan ilabina kon kini gigusbat tungod sa naghinobra nga illegal mining.Dumduman nga kabahin sa nahimo ni Duterte ang pagpa-rehab sa isla sa Boracay sa Kalibo,Aklan ug ang paglimpyo sa mga basura nga pila ka dekada nang nagtambak sa Manila Bay.
