CAGAYAN DE ORO CITY-Gihatagan sa init nga pagsugat ang reigning Ms Earth Philippines Fire Nelza ”Ella” Bautista sa katawhan sa Cagayan de Oro City ug Misamis Oriental.
Kini human miuli na si Ella sa iyang hometown pipila ka semana ang nakalabay sukad midaug isip Ms Earth Philippines Fire sa Pasay City niadtong Hulyo 2017.
Mitugpa ang gisakyan ni Bautista sa Laguindingan Airport gikan Manila diin gisugat sa iyang pamilya ug LGU officials sa Laguindingan,Misamis Oriental kaganihang kadlawon.
Gibutyag ni Bautista nga sobra ang iyang kalipay nga init kining gisugat sa katawhan ilabina sa local government officials nga gikan pa sa lungsod sa Villanueva,Misamis Oriental.
Una nang giangkon sa 20 anyos nga modelo nga naghinam-hinam na kining makit-an ang iyang pamilya ug mga kababayan nga naghatag suporta aron makuha ang nahuptan niini nga katungdanan.
Hisayrang si Bautista ang usa ka commercial model nga kamulo nga nagtungha sa iyang ikaduha nga kurso sa Capitol University ang kanhi MsVillanueva 2016 sa munisipalidad sa Misamis Oriental.
