CAGAYAN DE ORO CITY- Giawhag karon ni reigning Ms Earth Philippines Fire Nelza ‘Ella’ Bautista sa Villanueva,Misamis Oriental ang katawhan itodo ang suporta kang Pangulong Rodrigo Duterte nga masulbad ang giatubang nga suliran sa mga Marawi City,Lanao del Sur.
Gihimo sa 19 anyos sa college student sa Capitol University sa Cagayan de Oro City ang pahayag human ang apela sa mga apektadong residente nga unta makabalik na sila sa Marawi City gikan sa nagpiot nga evacuation centers sa Mindanao.
Gibutyag sa Bombo Radyo ni Bautista na dili lamang angay mawad-an sa paglaum ang katawhan sa lisod nga sitwasyon kay wala mohunong si Duterte pagpangita sa paagi aron mapabalik sa normal ang ilang kahimtang.
Gibutyag sa modelong beauty queen nga dili sa tanang panahon nga magpabilin nga gubot ang Marawi City apan mahupay ra gihapon ug subli mapatindog sa gobierno.
