CAGAYAN DE ORO CITY- Nasakmit sa kandidata nga taga Brgy Bonbon ning syudad ang korona isip Ms Cagayan de Oro 2020 nga gihimo pinaagi sa gipahigayon nga virtual coronation night.
Gipukan ni candidate number 6, Jeza Relevo ang pito ka laing kandidata gikan sa nagkadaiyang brgy sa syudad. Kini ang pinak
aunang higayon nga nagpahigayon sa virtual pageant ang syudad alayon na sa kasaulugan sa kapistahan ni Sr San Agustin gumikan sa nasinatiang Covid-19 pandemic.
Apan bisan niini,nagmalampuson ang kalihukan diin miani’g pagdayeg ang organizers gumikan sa kanindot sa presentasyon sa indigay.
Sulod sa walo ka kandidata, si Relevo lamang ang nakapa-kumbinser sa mga hurado sa iyang tubag sa pangutana nga “What is the biggest challenge we need to address in our fight againts COVID-19?”.
Hisayran nga nagsilbi usab nga First Runner Up sa maong indigay si candidate #1 Danielle Arceo nga taga Brgy Nazareth ug Second Runner Up si candidate #3 Tanya Salvacion nga taga Brgy Bugo ning syudad.
