CAGAYAN DE ORO CITY – Nasakmit ni Ms Kuyamis 2018 Ana Monica Tan ang titulo sa Ms Earth Philippines Air 2019 sa Okada Manila Paranaque City kagabii.
Kini human gihimo ang coronation night diin nagtigi ang 40 ka maanyag ug dunay lantip nga salabutan aron sakmiton ang giilogan nga korona sa maong indigay sa kauluhan.
Gitubag ni Tan nga garbo sa lungsod sa Tagoloan,Misamis Oriental ang pangutana diin mas pabor kini nga silotan kadtong mga tawo nga mapasagaron ug midagmal sa kinaiyahan.
Alang sa fans ni Tan mas undanon ug bug-at ang tubag niini aron ilhon unta siya ng bag-ong Ms Earth Philippines 2019.
Hinoon,gibutyag niini nga ang pagbaton niya sa Ms Earth Philippines Air title holder ang dako na nga kalampusan alang sa katawhan sa Misamis Oriental.
Mipaabot usab sa moral support kang Tan si Gov Bambi Emano ug Ms 2017 Ms Earth Philippines Water Berjayneth Chee kuyog ang ubang mga empleyado sa kapitolyo probinsyal.
Una nang giila nga Ms Earth Philippines 2019 si Janelle Tee sa Pasig City diin siya ang mihulip kang 2018 Ms Earth Philippines Celester Cortesi;Ms Philippines Eco-Tourism si Karen Nicole Piccio sa Maasin, Iloilo; Ms Philippines Fire si Alexandra Dayrit sa Marikina City ug Ms Philippines Water si Chelsea Fernandez sa Ms Tacloban City.
