CAGAYAN DE ORO CITY – Napaila na sa publiko ang 21 sa 22 ka maanyag nga mga kandidata alang sa Miss Kuyamis Festival 2020 sa flag raising diha sa kapitolyo probinsyal kagahapon sa buntag.
Mismo si Misamis Oriental Provincial Tourism Department head Atty Jeffrey Saclot ang mibukas niini ug gisugdan ni 2019 Ms Kuyamis Chella Grace Falconer gikan sa Medina ning lalawigan ang naghatag go signal aron magpaila ang tagsa-tagsa ka mga kandidata.
Napa-wow ang mga tawo nga nanan-aw sa paggawas sa mga kandidata diin sila mi-rampa ayha nagpaila-ila.
Miingon si Saclot nga wala lamang damha nga anaa na sa ikapito nga tuig ang maong indigay sukad gihingusgan ni Gov Bambi Emano ang pagpaila sa klase sa lubi nga ‘kuyamis’ diin daghan sa Misamis Oriental kaniadto.
Kabahin sa mga nagpaila sa publiko ang mga kandidata nga sila Sean Mary Temple sa Jasaan;Yanesse Culamat sa Binuangan,Kristy Louise Marquino sa Lagonglong,Sheena Balansag sa Talisayan sa Jeramie Mingo sa Naawan,Alianah Jean Tumapon sa Manticao,Danielle Arceo sa Balingasag sa Samantha Pauline Feranil sa Gingoog City,Kyanns Zyra Awitin sa Sugbongcogon sa Bethel Amor Bullecer sa Salay sa Angel Talo sa Medina sa Jennifer Puno sa Claveria sa Kristine Angel Colaste sa Villanueva.
Anaa usab si Esel Mae Pabillaran sa Lugait,Briza Louise Ratilla sa Magsaysay,Irish Claire Daug sa El Salvador City,Veronica Yvette Valdez sa Alubijid,Fritzie Jean Naelga sa Balingoan,Rechelle Mar Jabunan sa Laguindingan,Crislyn Rose Acain sa Initao ug Isobel Teano sa Opol ning lalawigan.
