CAGAYAN DE ORO CITY – Gipaila na sa katawhan ang 22 ka kandidata nga magtigi alang sa ika-siyam nga tuig sa Ms Kuyamis Festival sa Misamis Oriental sa Enero 2021.
Mismo si Misamis Oriental Provincial Tourism Dept head Atty Jeffrey Saclot ang mi-presentar sa maong mga kandidata nunot sa tinuig nga indigay sa kaanyag sa lalawigan.
Kabahin sa nagsilbing contestants sa 9th Kuyamis Festival ang gilakipan ni Crystal Fabre sa Alubijid;Cezarah Jireh Silapan sa Balingasag;Geraldine Sario sa Balingoan;Harl Crunchy Bada Ontoy sa Binuangan;Alpha Mae Salarda sa Claveria; Zaira Ayonayon sa El Salvador City;Shirly York Galupo sa Gingoog City;Maria Angel Cañete sa Initao;Jimema Tempra sa Jasaan kinsa igsoon sa reigning Ms Kuyamis 2021 na si Dannah Tempra.
Wala usab magpaulahi si Reshia Go sa Lagonglong;Erika Marey Actub sa Laguindingan; Mitcheal Felicitas sa Libertad;Kim Jazryl Acosta sa Lugait; Roshana May Berdelao sa Magsaysay;Vanessa Dulay sa Manticao;Jhaella Marie Pague sa Medina;Annabelle Mae McDonnell sa Naawan;Sophia Feen Angela Latar sa Salay; Nice Lampad sa Sugbongcogon;Maria Cassandra Ramirez sa Tagoloan;Rianne Mae Mofar Getuaban sa Talisayan ug Natazha Vea Bautista sa Villanueva.
Samtang dunay tulo ka lungsod nga wala makapadala sa ilang kandidata ning maong indigay.
Dugtong niini,gibutyag ni Gov Bambi Emano na unta susama kang Ms Inter-continental Cindy Obeñita,pipila sa batch sa Ms Kuyamis Festival 2021 ang maka-representar usab sa national ug international competition.
Kini aron mas maila pa ang kaanyag mga taga-Misamis Oriental ug Cagayan de Oro.
