CAGAYAN DE ORO CITY – Excited na si 2020 Ms Universe Rabiya Mateo nga makauli’g balik sa iyang hometown sa Iloilo City.Kini human kompirmaha sa Ms Iloilo City Organization nga hatagan nila sa engrandeng homecoming si Rabiya sulod ning bulana.
Miingon si Mateo nga mas gusto niya makauli nga atol mismo sa iyang adlaw’ng natawhan.
Saysay sa dalaga nga kon mahinayon ang maong plano,dad-on niya ang tibuok Ms Universe Philippines team aron makasinati kon unsay anaa sa Iloilo City.
Giangkon usab niini nga gimingaw na kini’g ayo sa iyang inahan kinsa maoy nagpadako kaniya samtang giantos ang grabeng kalisod sa kinabuhi ug hangtod nga nakahuman pag-eskuwela ingon man nasulod sa hilig sa beauty pageant.
Una nang nangandoy lamang kaniadto si Rabiya nga mahimong kandidata sa Iloilo City apan tungod sa tabang sa mga mahal niini sa kinabuhi ug pagtukod sa kahitas-an,nasakmit niini ang titulo sa indigay ug representahan ang Pilipinas sa Ms Universe 2020.
