CAGAYAN DE ORO CITY – Gihangyo sa kadagkuan sa House of Hope Foundation Incorporated ang city govt pinaagi sa JR Borja City Hospital nga tinarong lang ta ug walay hukus-pokus nga mosunod sa gisudlan nga memorandum agreement o MOA sa duha ka panig.
Kini may kalabutan pagdumala sa mga pasyente nga nagbaton sa mental challenge nga naka-house sa maong foundation sa Upper Palalan,Brgy Lumbia ning syudad.
Namahayag si House of Hope co-founder Msgr Tex Legitimas nga dismayado sila nga dili sensiro ikasabot ang city govt kabahin sa nasudlang kasabutan.
Siya miingon nga gusto nila makuha’g balik ang pagdumala sa foundation nga 26 ka tuig nila giamuma ug nayagaw lamang kay wala mosunod sa MOA ang kagamhanan sa syudad.
Dumduman nga tipik nga unod sa MOA nga ang JRBH na ang modumala sa House of Hope apan may ihatag nga 3 million pesos financial assistance kada-tuig ang city govt alang sa pag-atiman sa mga pasyente.
Hisayrang unang namugos ang JRBH officials nga walay basehan ang mga pasangil nga gihampak ngadto kanila kabahin sa maong isyu.
