CAGAYAN DE ORO CITY – Gikompirmar sa Armed Forces of the Philippines nga napatay na ang utok sa duguong pagbomba sa Mindanao State University sa Marawi City niadtong Disyembre 2023.
Gibutyag ni AFP Public Affairs Office chief Col. Xerxes Trinidad nga napatay sa engkwentro batok militar ang mastermind sa MSU Bombing nga si Khadali Mimbesa alyas ‘Engineer’, didto sa Lanao del Sur sa miaging Enero ning tuiga.
Ilado si alyas ‘Engineer’ amir sa terror group nga Dawlah Islamiyah.
Miingon si Trinidad nga gilusad sa tropa ni 103rd IB commander Brig Gen Yegor Rey Barroquillo Jr ang opensiba ug inteligence gathering niadtong Enero 25 ug 26.
Gikompirmar ni DI-Maute Group member ug surrenderee nga si “Khatab” nga si Mimbesa ang napatay sa engkwentro sa Piagapo,Lanao del Sur.
Sa sunod nga petsa,nailog sa militar ang hideouts sa mga terorista ug nakompiskar ang ilang high-powered firearms, bandolier sa bala, Baofeng radios, ug usa ka smartphone.
Gidayeg ni AFP chief of staff Gen. Romeo Brawner Jr ang tropa nga misulbad sa kaso sa MSU Marawi bombing.
