Taas ang tsansa nga subli mubusikad ug mubuga sa magma o asupre ang bulkang Kanlaon sa Negros Islands.
Nabalaka ang team ni Mariton Bornas, hepe sa Volcano Monitoring Division sa Philippine Institute of Volcanology and Seismology (PhiVolcs) nga musamot pa ang ‘tremors’ o paglinog palibot sa tiilan sa bulkan tungod sa ‘magmatic’ ug siesmic activity.
Kagahapon, ang Mt Kanlaon mitala sa tulo ka higayon sa pagbuga sa asoh nga milungtad sa 12 hangtud 52 minutos; 16 ka volcanic earthquakes, lakip na ang 6 ka volcanic tremors nga milungtad sa 52 minutos.
Subling nagpahungaw ang bulkan sa 7,756 tonelada sa asupre sukad Disyembre 26.
Nanawagan ang Philvolcs sa tanan mountain climbers nga likayan una ang pagsulod sa 6 km radius danger zone, lakip an ang paglupad sa commercial plane ibabaw sa Mt Kanlaon.
Lauman usab ang lahar kung mububo ang kusog nga ulan dungan sa pag-awas sa lava gikan sa baba sa bulkan.(Bombo Anne Quileste).
