CAGAYAN DE ORO CITY – Gihunong na sa Deparment of Education -10 ang patudlo sa mga bata gamit ang Mother Tongue Based Multi-Lingual Education.
Kini human gipaubos sa pag-rebyo ang balaod nga nagtugot niini kay nakit-an nga nakahatag sa disbitaha alang sa mga tinun-an ilabina sa kindergartens padulong sa grade 3.
Miingon si DepEd 10 regional director Dr. Arturo Bayucot nga dako siya nga pabor sa maong subject aron mahanas ang bata ug makasabot sa itudlo sa mga magtutudlo ayha ipaubos sa mas lisod nga pagkat-on sa tunghaan.
Siya miingon nga igo na lang gigamit ang mother tongue multi-lingual sa simple nga instructions apan giwala na ang mismong subject niini.
