CAGAYAN DE ORO CITY – Kasuhan sa Bureau of Internal Revenue o BIR ang pipila ka foreign investors nga nabawian sa binilyong kantidad sa mga peke nga sigarilyo ug lima ka makina dinhi sa syudad ug didto sa Tacloban City.
Kini human nabawi sa hiniusang operasyon sa BIR-NBI ug CIDG ang maong mga kontrabando ning syudad ug Tacloban niadtong Mayo 2018.
Miingon si BIR Deputy Commissioner Arnel Guballa nga kasong sibil ug kriminal ang ipasaka nila batok mga responsable sa maong mga kontrabando.
Gihimo ni Guballa ang panganti dungan sa pagpangguba sa mga makina ug fake cigarettes atubangan sa media sa Brgy Bayabas kagahapon sa buntag.
Kabahin sa maong mga kontrabando ang nakuha gikan sa tulo ka warehouse diha sa Brgy Cugman samtang ang makina gikan sa lungsod sa Villanueva ning lalawigan.
