CAGAYAN DE ORO CITY – Blangko pa ang mga otoridad sa hinungdan sa pag-ambush kang Quezon Bukidnon Municipal Councilor Rodrigo Neri didto sa Maramag Bukidnon.
Namahayag si Police Lt. Col. Casam Ali, hepe sa Maramag MPS nga duha ka gunmen nga sakay sa ilang tagsa-tagsa ka motorsiklo ang nakita sa mga eskorte sa giluthang mga municipal councilor.
Gawas niini, pulos mga short fire arm ang gamit sa mga suspek subay sa narekober nga mga slugs sa kalibre 45 nga armas.
Hisayran nga dili muminos sa lima ka igo-pinusilan ang nadawatan ni Kagawad Neri, samtang duha ka igo-pinusilan ang naangkon sa usa ka eskorte niini.
