CAGAYAN DE ORO CITY – Iduso na ning adlawa sa piskalya ang kasong murder ug position of bladed weapon batok Daniel Bagobaldo nga maoy gitudlong responsable pagpatay sa tomboy nga si Rachel Manahan sa Brgy Puntod ning syudad.
Gibutyag ni Macabalan Police Station commander Police Capt. Jack Llaneta nga ilang ikonsederar nga sulbad na ang kamatayon ni Manahan sa higayon nga maduso na ang kaso kang Bagobaldo ning sayo sa buntag.
Una nang giangkon sa suspek nga siya ang mipatay sa biktima ug gisulod sa septic tank diin gitoohan nga usa lamang ka tripping ang rason sa paghimo sa kremin.
Dugtong ni Llanita nga ilang iapas pag file ang kasong rape sa higayon nga molugwa na ang autopsy report.
Samtang gibutyag ni Bagobaldo nga iyang atubangon ang kasong giduso batok kaniya human niya angkona ang pagpatay kang Rachel Manahan sa Brgy Puntod ning syudad.
Gipamugos ni Bagobaldo nga ang ilimnong makahubog maoy nagtuklod kaniya aron himoon ang maong kremin.
Mi esplikar ang suspek nga kini ang unang higayon nga nakahimo siyag kremin sa tibuok niyang kinabuhi.
Wala na usab niini angkona kon gilugos ba niini ang biktima ilabina nga hubo kining nakit-an nga gisulod sa sako sa Tamparong compound sa maong brgy sa miaging semana.
