CAGAYAN DE ORO CITY – Wala pa gihapon naduso ang kasong murder batok sa napulo ka suspek pagpatay sa pito ka sakop sa banay nga nakit-ang dungan gipanglubong sa Sitio Lapao, Brgy Karkum, lungsod sa Sapad, Lanao del Norte.
Miingon si Police Regional Office 10 spokepsperson Maj Joann Navarro nga epekto kini sa daw kakulang na sa interes sa mga tagtungod sa mga namatay.
Miingon si Navarro nga padayon ang ilang koordinasyon alang sa paghatag sulbad sa maong kremin.
Dumduman nga maoy gipangpatay sila si Joselito ug Marlyn Gaviola,magtiayon nga pulos nagpuyo sa Zamboanga City ingon man sila Elvi Gaviola ug Epifanio Legara,magtiayon kuyog sa ilang mga anak nga sila Jomar,Jopay ug Epifanio Legara Jr nga gikan usab sa Zamboanga del Sur.
Hisayrang giporma sa kapolisan ang special investigation task group aron mas mapadali ang pagsulbad sa kremin nga naghatag kakurat sa katawhan sa Zamboanga Peninsula ug Lanao del Norte sa unang semana sa Enero ning tuiga.

RELATED ARTICLESMORE FROM AUTHOR