CAGAYAN DE ORO CITY – Patay ang usa ka 70 anyos nga ginang human maghikog sulod sa ilang puy-anan sa Camella Homes, Brgy. Balulang ning syudad.
Giila ang biktima nga si Hana Male, minyo ug residente sa maong dapit.
Namahayag si Police Major Ian Borinaga, hepe sa Carmen Police Station nga wire ang gigamit sa biktima sa paghikog.
Base sa imbestigasyon, gihikot sa ginang ang iyang kaugalingon sa likod sa ilang main door o pultahan.
Patay na nga napalgan ang ginang sa dihang nadiskobrehan kini sa iyang mga kabanay. Nagtoo ang pamilya sa biktima nga dunay gihambin nga depresyon ang biktima.
Una niini, gihulatan pa sa mga otoridad ang tubag sa pamilya kung gusto ba nilang ipa-ubos sa otopsiya ang lawas sa naghikog.
