Posibleng mosangit sa pagkuha sa ilahang police clearance ang mga tawong nagbaton sa Ordinance Violation Receipt o OVR kadtong mga nakasupak sa ordinansa sa syudad.
Kini human nadiskubrehan nga ubay-ubay ka mga individual ang wala na asikasuha ang ilang mga OVRs.
Gibutyag ni COCPO Chief City Plans & Program Unit Lt. Col. Joel Nacua nga kadaghanan sa mga na-isyuhan sa OVR niadtong panahon pa sa pandemic.
Apan giklaro ni Nacua nga ila pa kining gikonsulta sa ilahang legal team aron malikayang makasupak sa tawhanong katungod.
