Nagkinahanglan na lamang og pag-ampo ang petisyon nga giduso sa grupo ni Attorney Vic Rodriguez sa Supreme Court batok sa bag-ong voting threshold sa impeachment trial ni Vice President Sara Duterte.
Base sa gipadayag sa legal expert nga si Attorney Samson So Tan, lisod na nga mabali ang aksyon sa Senado tungod kay gitan-aw usab kini isip usa ka pampolitika nga kalihokan sa mga senador.
Gitin-aw ni Attorney Tan nga nagpabilin ang kontrobersiya kon ang 2/3 voting threshold i-base ba sa tibuok 24 ka senador o sa mga mosipot lamang sa impeachment court.
Dugang pa sa legal expert, dakong hagit alang sa mga petitioner ang pagpatigbabaw sa petisyon kay ang mga senador nga adunay balatian may katungod sa gihapon nga mobotar sa hukmanan.
