PC:Temoteo Lopez Chavez’
CAGAYAN DE ORO CITY-Gibulgar sa committee on economic and enterprise sa konseho nga may natigayon nga lapad nga kurapsyon sulod sa mga merkado ug public terminals ning syudad.
Kini human madiskobre nga nagsaka-kanaug ang kinitaan nga natigom sa city revenue collectors ning dakbayan.
Namahayag si Majority Leader Kag Ian Mark Nacaya,chairman sa komitiba nga tungod niini gipanghulipan nila ang maong revenue collectors aron masanta ang isyu sa kurapsyon sa buluhisan.
Hinoon,wala na gibutyag ni Nacaya kon kinsa ang maong mga empleyado nga giwad-an sa tahas nga mangulekta’g buluhisan.
