Patong patong nga kaso ang atubangon sa pito ka Chinese nationals human sila madakpan, pinaagi sa PNP Covert Operation niadtong Hulyo 23, 2025, didto Brgy. Tuboran, Cagayan de Oro.
Namahayag si Police Captain Earl Vagoncha, hepe sa Misamis Oriental Maritime Police Station, sa Bombo Radyo, nga nadiskobrehan nila nga bag-o pa mipahigayon sa illegal mining operations ang maong grupo kuyog ang kakunsabo nga mga pinoy.
Gidugang ni Vagoncha, nga kasamtangang gikostodiya sa Misamis Oriental Maritime Police Station ang mga suspek human sila gikasuhan sa paglapas sa Republic Act 7942; Section 103 o Theft of Minerals; Presidential Decree 705 o Illegal Logging, ug Water Code of the Philippines.
Gipaabot pa sa Maritime Group ang resulta sa ilang gisang-at nga kaso sa prosecutors office.
