Dili na luwas ang mga pamilyang Pilipino sa nasud tungod sa nagkagrabe nga mga krimen, mao kini ang gipadayag ni Vice President Sara Duterte sa mga Pinoy sa London atol sa iyang pagbisita.
Gipasabot usab sa bise presidente nga ang tinguha ra sa matag inahan ang makagawas sa ilang mga panimalay nga walay kahadlok nga mabiktima sa pagpanulis o pag-snatch sa ilang mga bag, cellphone, ug mga alahas.
Gani, gihatagan usab niya og gibug-aton nga angay protektahan ang mga anak batok sa mga daotang elemento aron malikay sila sa pagpanglugos, pagpanunggab, ug uban pang daotang buhat.
Gumikan niini, gipahayag niya nga ang bugtong pangandoy ra gyud sa matag ginikanan ang luwas nga pag-eskwela sa mga anak ug hapsay nga pagpauli gikan sa trabaho nga walay gikalibog o gikahadlokang katalagman sa kadalanan
