CAGAYAN DE ORO CITY – Gipakisusihan pa sa mga pulis ang kamatayon sa lalaki nga nakit-ang wala na’y kinabuhi nga nakahigda sa dalang Ipil,Brgy Carmen ning syudad kagabii.
Pasiunang giila sa imbestigasyon ang biktima nga si Bobbie Baluyot,hingkod ang edad ug taga-Sitio Bolonseri,Brgy Camaman-an ning syudad.
Saysay sa mga nakasaksi nga natingala na lang sila sa wala na paglihok sa biktima rason gilayon gipahibalo sa Carmen Police Station.
Subay sa pasiunang imbestigasyon, wala’y nakit-ang mga samad sa bisan asa nga bahin sa lawas rason nga kamulo pa ang pagsuta sa koneksyon sa kamatayon niiini.
Wala pa usab masaysay kon nagbaton ba sa balatian ang biktima nga posibleng hinungdan sa iyang kamatayon.
