CAGAYAN DE ORO CITY- Nabuhi’g balik ang isyu sa basura diin gihimua’g special report ni minority member Konsehala Imee Marcos sa pagbalik sa regular session sa konseho sa syudad kaganihang hapon.
Kini human nabulit sa grabeng mga reklamo gikan sa daghang katawhan ang mga naghitak nga mga basura nga wala makuha sa ensaktong iskedyul sa kompanyang Tencil nga adunay minilyong kontrata sa dakbayan.
Miingon si Moreno nga dili na angay sundayagan pa sa slide presentations kay nasayod ang tanan sa giatubang sa suliran sa basura dakbayan.
Tungod niini,gisugyot nga imbestigaran kini sa duha ka komitiba aron masuta kung nganong adunay kapalpakan sa pagkuha sa mga basura sa syudad sukad pa sa miaging semana.
Dumduman nga napugos pag-abag ang city govt sa paghakot sa mga basura kay kalit nga nagamay ang personahe sa Tencil kay girason pa sa tigdumala niini nga daghan ang nagpalta sa ilang trabaho.
Gigamit pa nga rason nga wala manunga ang maong mga empleyado kay nangbutar sa ilang tagsa-tagsa ka mga lugar sa miaging Mayo 12 ning tuiga.
Hisayrang dili kini ang unang higayon nga mihimo’g special report si Moreno apan bisan sa miaging sesyon sa tuig 2024.
