CAGAYAN DE ORO CITY, Philippines – Nagviral na ang video kung asa makita ang tumang kakurat ug halos walay masulti nga reaksiyon si kanhi Miami Heat Forward Dwyane Wade, sa unveiling sa iyang istatuwa sa Kaseya Center, Biscayne Bay sa Miami, Florida.
Mi-ani sa daghang negatibo nga reaksiyon ang nawong sa istatuwa nga mas kamay-ong pa sa panagway ni Hollywood actor Laurence Fishburne, ug ang lawas halos sukod ni Dwayne Johnson.
Sa iyang mubo nga speech, dili matago sa panagway ni Wade ang iyang kahimoot ug nakapangutana kung kang kinsang nawong ang napakita sa bronse nga istatuta.
Subay sa report, halos migugol sa upat ka oras, sulod sa upat ka higayon sa usa ka semana aron masusi ang update sa iyang istatuwa.
Hisayran nga gamay nila Rotblatt Amrany Studio sculptors Omri Amrany ug Oscar León ang walo ka tiil nga imahe sa 42 anyos nga legendary star.
Ang life-sized nga rebulto ni Wade maoy pinaka-unang napagawas sa Miami Heat, pahinugod sa iyang 16 ka season, ug nakasakmit sa tolo ka kampeonato nga pagdula sa maong franchise.
