CAGAYAN DE ORO CITY-Gipasaka na sa Iligan City Police Office (ICPO) ang kasong illegal possession of firearms ug uban pa, batok sa lima ka mga lalaki nga nagpatuong sakop sa Knights of Justice human masanta sa Tubod Lanao del Norte Checkpoint.
Mingon si Iligan City Information Officer Joe Pantoja nga padayong gikustodiya sa kapulisan ang mga suspek ug gikompiskar ang mga ilang dili lisensyado nga mga armas.
Una niini, daw mibatig kahulga ang mga residente sa Iligan tungod sa sunud-sunod nga pagsulod sa mga grupo sa armadong kalalakihan.
Kini ang rason nga mas gipahugtan pa sa PNP ang ilang checkpoint aron dili malusutan sa gitoohang private armed groups kon PAGs nga boot mugubot sa ilang syudad.
