CAGAYAN DE ORO CITY – Naka-eskapo sa pagsilbi sa warrant of arrest apan wala na magsilbi ang kaigmat niini sa subling pagkamang sa kapolisan aron mataral na kini sa hukmanan sa Iligan City.
Kini human nadakpan sa mga operatiba sa Iligan City Police Office -Station 5 ang akusado nga si alyas Boy Luya sa laing hugna paglusad pagdakop kaniya samtang anaa sa Green Valley,Brgy Ubaldo Laya sa maong dakbayan.
Nakompiskar sa joint police operations gikan sa dinakpan ang 45 gramos nga gitoohang shabu nga dunay kantidad nga 306 mil pesos.
Kasuhan sa pagsupak sa ilegal drug case sa piskalya si alyas Boy Luya samtang atubangon usab niini ang unang kasong pagbaligya’g ilegal nga droga sa Iligan City.
