CAGAYAN DE ORO CITY – Patay ang 22 anyos nga lalaki nga dunay depekto sa pangisip sa dihang nasunog ang bodega sa basurahan sa Phase 1,Villa Ernesto Subd,Purok 3-B,Brgy Gusa ning syudad kaganihang kadlawon.
Giila ang biktima nga si Agustin Ravidas kay naglisod paggawas kay gikadinahan nila aron dili makapangdagmal sa laing tawo.
Una niini,giingong nasangguyan sa biktima ang wire sa koryente hinungdang natugpa kini sa mas uga nga bahin sa bodega rason nga miulbo ang kalayo.
Gani,gisulti ni Mrs Ravidas nga pipila ka oras gikan sa kamatayon sa ilang anak,nagpabati kini ug nangayog’ pasaylo nga siya namatay tungod sa sunog.
Gipasabot sa inahan nga gihiktan nila sa kadena ug gi-posposan ang biktima kay bayolente na kaayo’g mangdagmal sa mga tawo nga moduol kaniya.
Nasayran nga kanhi construction worker sa Marawi City ang biktima diin didto niya nakuha ang pagbaton sa depekto sa panghuna-huna sa milabay’ng katuigan.
