CAGAYAN DE ORO CITY – Nahiagom sa daghang samad hinungdan sa hinanaling kamatayon sa aktibong pulis nga ubos sa provincial police office sa Lanao del Norte Province.
Kini ang gidangatan sa naka-motorsilong biktima nga si Police Executive Master Sgt Arnel Aguinid nga residente sa lungsod sa Kolambugan sa maong lalawigan.
Subay sa impormasyon,padulong sa lungsod sa Tangkal gikan sa munisipyo sa Tubod ang biktima dihang natigayon ang pagka-disgrasya pag-abot sa Purok 2,Brgy Caromatan,Kolambugan sa probinsya.
Gisubay sa biktima ang dalan nga four lanes apan tungod sa kakulangon sa signages,wala niini mabantanyi nga putol na kini pag-abot sa unahan rason sa pagka-disgrasya.
