“Ang kanya lang sigurong malalabag ay ang kanyang obligasyon sa taumbayan,”kini maoy tubag ni Malakanyang Press Officer Atty Claire Castro kalabot sa upat ka foreign trips nga gihimo ni Vice President Sara Duterte sulod lamang sa bulan sa Hunyo.
Sumala ni Castro nga kung personal nga lakaw kini ug wala’y opisyal nga katuyoan, ang posibleng malapas ni VP Sara mao ang iyang katungdanan sa katawhan isip Bise Presidente.
Unang gipangutana sa publiko ug sa media kung ang maong biyahe ba nagtumong sa personal nga interes o para sa nasud.
Ang itinerary ni VP Sara naglakip sa pagtambong sa “Free Duterte Now” rally sa Melbourne, nga may kalabotan sa kaso sa iyang amahan nga si kanhi Presidente Rodrigo Duterte nga kasamtangang gidungog sa International Criminal Court.
Sa laing bahin, giingon ni Atty. Castro nga ang Presidente wala manghilabot sa isyu, apan gilauman nga sundon ang Konstitusyon ug Rule of Law, ilabi na sa isyu sa impeachment nga giatubang ni VP Sara karon.
