CAGAYAN DE ORO CITY – Kutob na lang sa kasub-anan apan dawat na sa pamilya ang gidangatang kamatayon sa aktibong sakop sa rebeldeng New People’s Army o NPA dihang hingpit nang natugyan sa militar ngadto sa syudad sa Muntinlupa City.
Kini ang gikompirmar ni 10th ID spokesperson Maj. Mark Anthony Tito diin unang napatay si Kaliska Dominica Peralta alyas Rica o Tomboy sa engkuwentro sa 48th IB,Philippine Army sa Brgy Butong,Quezon,Bukidnon sa miaging semana.
Namahayag si Tito nga tuyo sa pagtugyan sa tropa sa gobierno sa patay’ng lawas ni Ka Rica nga mahatagan kini sa pormal nga haya ug pag-atiman sa mihangyo niini nga pamilya.
Si Ka Rica ang nagsilbing political officer sa Guerilla Front 57 nga ubos sa CPP-NPA Southern Mindanao Regional Committe nga dunay area of operation sa Davao ug SOCKSARGEN regions.
Dumduman nga atol sa engkuwentro,nadakpan usab ang tulo ka kauban ni Peralta ug laing ang mi-surender ingon man nabawi ang daghang tag-as nga armas sa Bukidnon sa miaging semana.
