CAGAYAN DE ORO CITY- Nagpositibo sa gun powder burn ang mga kamot ni PO3 Joseph Marimon nga nakit-ang patay sulod sa old building sa Maharlika Headquarters sa kapolisan sa Brgy Carmen ning syudad.
Kini human unang gipaubos sa paghiling ang crime scene aron masuta kon may basehan nga tinuyo ang pagpatay kang Marimon niadtong miaging semana.
Miingon si Cagayan de Oro City Police Office spokesperson Supt Mardi Hortillosa nga bisan ang duha ka pulis nga kauban ni Marimon ang negatibo usab sa gun powder burn gikan sa armas.
Apan gihulat pa sa COCPO ang resulta sa otopsiya sa patay’ng lawas ni Marimon kinsa nagbaton sa igo sa ulo gikan sa 9mm pistol dihang nakit-an sa mga kauban niini.
